Friday, April 17, 2009

منو فينا المنيع؟

الجزء الرابع من سهام النور



ناظري الكون الوسيع
و اسلي دروب الهوى ليش المحبه تضيع
ياما شرينا الفرحه و هي فينا تبيع
عطش نار صيفٍ شوه بسمات الربيع
حطم صخر الوعود و ذوب كل انواع الصمود
و اعلن الوقت انه قادر
و ما في واحد مننا منيع

سهام انا جاسم

سهام يا كل العمر
يا حلم عمره ما اكتمل
كنتي انتي النجم البعيد
امل صعب المنال
ماس سكنت السما
و احبست الانفاس
دلع ممزوج بدلال
سحر يجذب كل احساس
ابتسامه سيرتني لدروب الهوى
جننتني بهمس القلوب
و عيون خيرتني
بالموت و الا الجموح
وسمتني فارس
و طلبتني حاكم
اشتكينا ظلم الظروف
و ابتدينا نحطم اقفال السور
بننا جسور الهوى
و اعتلينا كل الحواجز
كنت اظن اني انا من تحبين
ما هقيت لثواني انج فيني تتحدين
ان عشقج هو للتحدي
لكسر كل القوانين
لرفض اللا
و انج انتي بتسيطرين

ابتديت معاج العمر
بعسل ممزوج بالمر
اهل مستنكرين لفعلتج مصدومين
بوقتها
كنا مقتنعين
بفعلتنا فخورين
كنتي انتي حورية السما
تسحر كما عيون المها
و غلفتنا احلام الصبا
بورق الهوى
و نار تدفي الخوى

اي احبج لي بعدين

فجأه سحبتي الغطى

و بتديتي لانفاسي تحسبين
لعبتي معاي لعبة احبستني
دايم تضغطين
بتضحيتج تذكرين
كل ما انشغلت بشي
او تاخرت شوي
حاولت انا كثير
احتويج و اهديج
بس انتي ابد ابد
ما كنتي تهدين
كنتي تبيني دوم معاج
و ابد ما ابعد عن خطاج

اختنقت
صرت اقرب للموت
و للاسف
انتي من كنتي تخنقين
و لا جنج تحسين
اكتم ونات الالم
و انتي تزيدين
بس لي وين
وين كنتي بتوصلين؟
انتفضت و تمردت و اعلنت المقاومه عليج
من وقتها ابتديت فيج اهين
افرح لي منج زعلتي
ينوهب لي جنحان الطير
استغل كل اوقات الزعل
و اخفي عن العالم اني مرتبط
هروبي يزداد مع مرور الايام
لم تحاولي ان تفرشي لي الراحه
او تشفي العمر من جراحه
فبت اعيش حياة مزدوجه
مرتبط داخل حدودك الخانقه
حرٌ طليق خارجها

من دق اول مسامير تابوت الحب؟

انتي

او

انا

!