Tuesday, October 27, 2009

ملكة الاحساس





قال
ارفقي بحالي ترى انا مثل باجي البشر
!
ما اقدر اقاوم بسمتج
ما اقدر اصد النظر
قال
ارفقي و اتعطفي
حني على قلبي اللي خفق في حظرتج
و تمهلي بكل كلمة من شفتج

قلت
حاظر
ابشر انت تامر
بسكت ما اكمل لجل خاطرك كل شي يهون

قال
ابد ما اقدر اصبر عن حروفج
حتى لو كان شوقج نار تشب بالروح و تحترق

قلت
كيف اقول و انت ما تبيني اقول
؟
تبغيني اقول تالي تسالني عن الحلول
عن السبيل للصبر
كيف الهروب من اي الدروب؟
تبغي تستكين من لهفتك
تبغى تسافر بدنيتك

و ابغى اخطف منك الهوا
اهدي انفاسك عطر و هوى
ابغى أوصل للقمر
ابغى اضيع بدنيتك
اهدي ربيعي بسمتك
ارسم مواويل الشعر بنظرتك
و الا شرايك ما نقول
شرايك نحس اجمل شعور

شرايك امسك بيدينك النجوم
و احترق من بسمتك
اشتعل من همستك
من نظرتك
شرايك تمطرني عشق
شرايك اسقيك الشفق

قال
ارفقي
ثم ارفقي
و اتعطفي
منتي مثل باجي البشر



Monday, October 26, 2009

باختصار





تعال يا قلب
نسرق من هالكون الوجود
و نكون حدود اللا حدود
تعال يا قلب
نحد الوقت
نصير انا و انت
نبض الغد
نحط اركان جديده
اتكون ابعادي الجميله
تبعد عني كل ياس
كل دمع
كل باس
و اكون لك جنه
محد لها ابد داس
تعال نوقف الزمن
ننركض بالسنين لي هنااااااااك
نبني من مشاعرنا من الحنين
صروح ابد ما تلين
و الا اقول لك
تعال نشل الوقت
نبوق الوقت من الوقت
و نكون انا و انت حلم الغد
تعال اهديك الحياه
باسقيك الدلع بشفاق
تعال اذوقك معنى الولع
تعال اضيع منك كل عقل
تعال ترى انت الحياة
تعال و اهديني الوجود