التنوره!!؟؟

ملاحظه اجلت " فوق انه جنقل طلع جذاب"

بعد نصف ساعه من الضحك
كنت اروح للمجموعه الباسله
في قفص زجاجي
الهندي النحيس اختفى في يوم من الايام
اليوم اللي وراهم هم كان مختفي
واللي وراه هم مختفي
؟؟
المهم قوم اللي كان طيب مثل ابوي دق عليه
طلع فقير و اهو يصب البنزين طاش البنزين و احترق
و احترقو ايدينه
فكنت في ذاك الوقت بدون تيم ليدر
و شدعوه تيم ليدري تيم ليدر
المراد
يا داركنس بتنفجرين من الملل؟
الحل
انقذوووووووووووووووووووووني


تدرون شنو سويت؟
شريت مجلات الكلمات المتقاطعه
بديت اشتري بالهبل
و احل
صرت خبره فيهم
ههههههههههههههه

هم هالوضع ما عجب الحنانه
شنو سوت؟؟

نادت الشرسه و قالت لها علميها
جدام الحنانه تبسمت الشرسه بكل براءه و قالت ان شاء الله حنانه
و من طلعنا من مكتب الحنانه و اهي تنافخ
انا مو تيم ليدر انا تركت لهم التيم ليدر انا مالي خلق اعلم انا تعلمت بروحي و شتبيني اعلمج و ما تتعلمين الا اذا يت مشكله و اذا يت مشكله ما يبون متدربين يبون ناس تحل المشكله بسرعه و احنا شغلنا فلوس و انا بانيه النظام بيدي و انا و انا

؟؟
تعرفون ويه آلى ماكبيل اذا توهقت؟
بالضبط بالضبط
لا لا
اقول لكم بالضبط يعني لا اكثر و لا اقل
!!
و كل ما اروح اقول لها الحين تعلميني
ترد علي اليوم مالي خلق
او مشغوله انا
او تعبانه
او بستاذن
او
او
لين نادتني الحنانه مره ثانيه
جان اتوهق شقول؟
ما ابي اصير فتانه؟؟
الحنانه تسال و انا بس اطالعها ماكو اي رياكشن
نادت الشرسه جان تقول بكل وقاحه اني انا ما ذكرتها؟؟؟
ابتسمت و قلت الحين نقدر نقعد مع بعض
و تقدرين تحددين لي ساعه كل يوم من وقتج
ههههههههههه
حسيت انها بتذبحني
و فعلا صار اللي قلته
بس تعلوم مو مثل اي تعلوم
هذا سهل و هذا تعرفينه و هذا جذي و هذاك جذي و هذا
بدون اي معلومه مفيده و لا اي شرح

ما تبي تعلم


بعد ما داوم الهندي قامت الشرسه و راحت للحنانه و قالت لها خلي التيم ليدر يعلمها
و فعلا هذا اللي صار
بس اتحدى اي واحد فيكم انه يفهم من هالهندي جمله واحد
شوفو انا بعد جم سنه بديت اجمع الكلمات
و الكلمات المتقاطعه عطتني خبره بهذا المجال


!!


الطيب و الجنقل كانو يختفون اغلب اوقات العمل
يعني تقريبا من التسع و نص لي الوحده
و لما ايون كانت هناك صدمات لي
من تلك الصدمات
الطيب كان وايد محترم و خلوق و يحترم مرته
فكان الجنقل يطفره و يقول له انك سكانه مرته
و يبتدون يتناجرون
لتتدخل الشرسه و المزاجيه بالموضوع
و باسهاب كبير
لكم ان تتخيلو الى اي مدى؟؟
صدمه اخرى
عندما يحدث الجنقل زوجته بالتلفون
للعلم مرته اهي بنت عمه
يكلمها بصوت عالي
انتي ما تفتهمين؟
حم......ه
بق.......ه
يا بنت .....الخ
و الا انا مو قايل لج ما تروحين بيت اهلج
يلعن ا...ج لا ابو ....ج

صدمه اخرى
حين فتحت المزاجيه و الشرسه مع الطيب و الجنقل قضايا الحب
و جم مره حبو بحياتهم
!!!!!!!!!!!

امبيه لألألألألألأ

ذكريات لا تنسى
انا لو اكتب مسلسل مو احسن لي؟

اي على فكره اني احط بيس بالبلاك ليست لمجرد انها تغشمرة معاي هذا شي الجميع يستغرب منه
لانه بالاول بيس مو من النوع اللي تتغشمر مع الناس الا القراب منها
و ثانيا على حد قول اللي حواليني اني وحده اكتف يعني احب اختلط بالناس
بس بيس تغشمرت معاي لانها كانت تسمع عني من رفيجاتها و كانت حابه نتعرف بسرعه
هههههههههه

اتوقع انها تحسفت
هههههههههههههههههههههههههههههههههه

;p

من المواقف الطريفه اللي صارت لي باول حياتي العمليه
و انا طالعه من المؤسسه
امشي لي المواقف و ماشه لا بي و لا علي
اركب سيارتي اشوف وحده تهرول و تاشر صوبي
انا هو اكو شي طايح مني؟
التفت وراي ماكو غيري
اطلع من سيارتي
انطر هاللي تاشر
وصلت
السلام عليكم
وعليكم السلام
انتي موظفه يديده
اي نعم امري
انا فلانه الفلاني شفتج مع بنات القسم الفلاني
يا هلا و مرحبا + ابتسامه شنو تبين؟
اشفيج مخترعه
لا ولا شي عادي بس عبالي طاح مني شي
هههههههههههههههه لا انا بس حبيت اسالج تنورتج من الكويت
اي
صج من وين وايد عاجبتني
صدمه + من المجمع الفلاني تلقين المحل بالزاويه الفلانيه
بجم؟
صدمتين + و الله ما اذكر شاريه معاها كذا شغله
اي مشكوره

حياج الله

!!
انتو لو شايفينها شلون تدبج وراي

و ما ادري من متى بس مبين من مسافه طويله
!!!!!!

الحلقه القادمه بتكون الجنقل الجذاب

تابع ليوميات موظفه

مرحبا
ادري من زمان عن هاليوميات بس كل مره بكتب شي اتوهق مو عارفه شلون اعبر لكم عنه
المهم اليوم قررت اكمل باجي الحكايه
سامحوني ان خربطت بالاحداث لانه الاحداث صايره قبل جم سنه
تذكرون اني قلت لكم اني تعينت مع موظفين اكبر مني باكثر من عقد من الزمن


في هذي الاثناء كانت الحنانه ما تبي تعطيني شغل لين ننتقل للمبنى اليديد
تخيلو من الساعه سبع و نص لي الساعه 2 تكون محبوس بمكان واحد بدون اي وظييفه
اهني بديت احس بالحبس
كان لازم القى طريقه اسلي نفسي فيها
كان في ادارتين بالدور اللي احنا كنا فيه
و الاداره الثانيه كانت سكرتيرتهم اصغر مني بسنه
يعني على الاقل في احد من سني
تعرفت عليها و تعرفت على السكرتيره الثانيه اللي كانت لبنانيه
بسميها المهضومه
صرت انا و اللبنانيه ربع
كل يوم الصبح سوالف و ضحك
عن طريقها تعرفت على بنات الاداره الثانيه اللي اهم مهندسات
كانت عندي اول نصف ساعه هي اجمل نصف ساعه بالدوام لانها كانت ضحك و غشمره و موضه و لبس و صبغات و خرابيط البنات بالضحك
كان يفصل مكتبي عنهم زجاج
عقب النصف ساعه من الضحك مع المهضومه و مع الحليوه مهندسه من المهندسات كنت انحبس بمكتبي اللي يفصلني عن اللي من عمري تقريبا زجاج
وحده فيهم ماكانت تيي قبل البصمه بمده فكنت اسولف معاها بعد ما اتوجهه لمكتبي عبر الزجاج
كانت هذي ام عمر
تطرق الزجاج كل صباح لتصبح علي
اذكر اول حوار بيني و بين ام عمر
:)
سالتها فيه جم صار لج تشتغلين؟
فجاوبتني
بكل دهشه قلت لها ما شاء الله
قالت ترى بسرعه السنين تمر
و فعلا صدقتي يا ام عمر بسرعه السنين تمر

بهذه الاثناء كانت بيس تداوم بالمبنى الجديد فكنت انا ما اعرفها و لا اشوفها
بس اسمع ام عمر و الحليوه و المهضومه دايما يطرونها بالخير و بوش بوش بتداوم اليوم اهني و الا بوش بوش بتمرنا

انا ما كنت اعرفها فما كنت مهتمه لها
و اتى اليوم الموعود


كانت بيس او على حد قولهم بوش بوش بتداوم عندنا
و كعادتي كل صباح اكون مع المهضومه
لقيت بيس هناك معنا
اتغشمر مع المهضومه لتقاطعنا بيس بمزحه غريبه من نوعها
اتطلع اليها مذهوله
افكاري تحدثني
" تتهاوشين معاها؟؟ لا انتي يديده طوفي "
في تلك الاثناء ادخلت بيس القائمه السوداء
هههههههههههههههههههههه
و انهيت حواري مع المهضومه على عجاله و تعذرت باعذار واهيه و انسحبت من الجلسه
طبعا ما كنت النص ساعه عاجبة لا الحنانه و لا مديرتي فامرتني الحنانه اني م اوقف اسولف مع السكرتيرات

!!!

@@

بوقتها ما عرفت ارد عليها
بس كان المفروض اهي من نفسها تعرف انها ما شرتني انا اكلمهم قبل الدوام الرسمي
و الا اهي تحسب اني من ادش الدوام صرت عبده لها؟؟

كنت بذاك الوقت ما ابصم و اذكر اكثر من مره اطلب من السكرتيره انها تسال لي ليش انا ما ابصم و مسكينه السكرتيره تتصل على شئون العاملين و اهم حاقرينها

و فجاه
بيوم من الايام
يدق التلفون اشيله
الو
الو داركنس
اي نعم امري
انتي ليش ما تبصمين
ما عندي بصمه
ليكون عبالج انج مديره
.....
ما تشوفين الناس كلها تبصم
.......
ما تفتهمين انتي
......
و الا معفى عنج
......
اشفيج ما تردين
انا و كاتمه البجي و ويهي يقولب حمر اخضر اصفر كل الالوان ترى الاسلوب اللي كلمتني فيه كان جدا سيء و قد ما حاولت اصفه لكم هم ما ينوصف
انا قلت لهم بس محد رد علي
اقول يلا الحين تعالي الدور عندي اسوي لج بصمه

!!!!!!!!!!!
سديت التلفون بجيت بجي
اللي سيده من مكتبي على مديرتي
و الله فديتها مديرتي اخذت حقي و زياده
و هذي اللي دقت علي تاسفت لي بالتلفون و لما رحت لها
لا و خلتها تيي تعتذر مني عند مكتبي

:)

الحلقه القادمه " فوق انه جنقل طلع جذاب"

سامحوني اذا كنت مليقه
عشان اخفف من ملاقتي

مصري كاتب رسالة بالانجليزي
Dear Friday
عزيزي جمعه//واحد صاحبه

when I was in the lady first yesterday i saw a piece of girl
اول امبارح وانا ماشي في السيده شفت حته دين بنت

she was egg and sweet
بيضه وحلوه

i said: ya earth keep what on you
انا قلت: يا ارض احفظي ما عليكي

a hundred evening on your eyes ya beautiful
ميت مسا علي عيونك يا جميل

she said : poison
قالت : يا سم

i said : poison from your hand is poison poison ya moon
قلت : السم من ايدك يبقي سمسم يا قمر

she shouted in me : yes yes your mother soul.
صرخت : نعم نعم يا روح امك

do you remember me one of them
أنت فاكرني واحده من اياهم

collect your self or i will collect the street on you ya omar
لم نفسك ولا الم عليك الشارع ياااااااا عوووووومر

the girl entered my brain
البنت دخلت دماغي

i said : why like this ya daughter of people
قلت : ليه كده يا بنت الناس

i want you on the book of god and his profit
انا عاوزك علي سنه الله ورسوله

the boon on me i write my book on you tonight
ندر عليا اكتب كتابي عليكي الليله

she laghed and said on your slow on your slow
ضحكت وقالت: علي مهلك علي مهلك

write the book one piece? not talk on me first
تكتب الكتاب مرة واحده؟ مش تتكلم عليا الاول(يعني تكلم أهلي)

i shouted: i die in the cream ya thousand whites morning
زعقت: اموت في الحلاوه يا الف نهار ابيض

i am going to talk on you right now and writ my book on you
انا رايح أتكلم عليكي حالا واكتب كتابي عليكي

راقصه على بوابة المؤسسه

نهاية الشهر الاول
واو
راتب؟
وناسه
سوق و مشترى هديا
امي
امي العوه
ابوي
اخواني؟؟
لا اخواني الشهر الياي
انا ابي حقي؟
ما احب اني ابدي نفسي على احد
بس جد كنت ابي هدوم و ملابس
اذكر امي بس تطالعني و انا اشتري و تضحك
تقول اول مره تشوفين الاسعار؟؟

هههههههههه
مو تدرون قبل بس اخذ و ما يهمني
اهلي اللي بيدفعون
!!
انا قلت لكم اني كنت مع مجموعه باء اللي اهم
الجفسه
الطيبه
الحبوبه
المصلحه

و على نهاية الشهر اضطرو انهم ايبون لي مكتب و قلقصو المكاتب
لانه الانتقال تاجل و المره بتداوم ؟
عاد لما يابو لي المكتب
داركنس ما صدقت على الله
يابت شغلها
طبعا دببه
و مكان للاقلام و اسمي على قطار
:)
اول ما حطيت الاغراض الكل ضب على المكتب
جنه شي غريب
لا و بعضهم يلعب بالقطار
سووه لعبه
هههههههههههههه
و يسالوني من وين؟
يحليلهم بيشترون
لا و اذا رحت و رديت القي واحد فيهم يلعب فيه
!!


بعد حوالي الشهرين من تعييني
طلع التقييم لكل الموظفيين
كان يوم لا ينسى في حياتي
الجنقل شاش و لا رضى يهدي
و الشرسه تشيش فيه
و اهو يرغي و يزبد
و المزاجيه هم شايشه
و هم الشرسه تشيش فيها و فيه
و كل ما هدو
صبت الشرسه البنزين على النار
اي الهندي لما عينونه بس كان له ست اشهر و عطوه امتياز و بونص
و انتو لانكم كويتيين
و انتو لانكم
اهم
و انتو
!!!!
تعرفون اللي بالكارتونز لما الشخص يبتهر
جذي انا
و خايفه بعد كنت
المهم
ما وعيت الا الحنانه مناديتني و بلغتني اني راح اكون بقسم الف؟

هو ليش؟؟؟؟؟؟؟؟؟
مع الهندي
والشرسه
و اللي مثل ابوي
و الجنغل
و المزاجيه؟؟؟

قلت لها ليش؟
جان تقول حاجة العمل
سكت
بعد يديده ما ادري شالسالفه
و طلعت منها تقلتني المزاجيه شنو؟
قلت لها
ما وعيت الا المزاجيه تبتسم؟؟
ابتسامه انتصار
هو شالسالفه؟؟

بنفس اليوم يت مذكره ان باجر اكو اجتماع رسمي بالادوار العليا
لمناقشة التقييم مع الحنانه
!!!

المزاجيه قدمت اجازه؟
مو كان مو عاجبها التقييم؟
استغربت
!!


و جاء اليوم الموعود
و كان هذا اليوم يوم الشرسه بكل المقاييس
شيشت الجنقل و خلته في اقسى حالات الغضب
و دخلنا الاجتماع
و بدت الحنانه
" السلام عليكم و رحمة الله و بركاته اليوم احنا مجتمعين عشان اشرح لكم النقاط اللي يقيم عليها كل واحد فيكم
........
"
الجنغل يصارخ و بعالي صوته:
"حنانه انا صار لي 16 سنه ما
حنانه و هو يصارخ بكل برود
" جنغل جنغل.... اسمعني جنغل"
جنغل:
"ما اخذت بونص"
حنانه بوسط صراخ جنغل
" ههههه يا خيي ما يسمعني؟؟"
جنغل بصوت ترتعد له الاجدر
شسمع شسمع؟؟؟
اقول لج 16 سنه ما اخذت بونص
و السكرتاريه كل سنه
شنو هالظلم
حنانه بكل برود
" لا جنغل اهم طبيعة عملهم غير"
يرد عليها بعصبيه
قلتيها احنا شغلنا مو طباعه و بريد
احنا نكرف
ترد عليه ببرود
لا يا جنغل اهم ترى يكرفون
شنو يكرفون انزين انا شغل 16 سنه ما يستحق بونص؟
16 سنه و انا اكرف و اشتغل
انت حاول و ان شاء الله السنه اليايه
والله يا حنانه انتو ما راح يعجبكم شي
انا لو البس لبس رقاصه
و اوقف على باب المؤسسه
واللي يدش اهز له شويه
و اللي يطلع اتشخلعله شويه هم ما يعجبكم
و لو اسوي الشغل كله السنه اليايه بتعطون البونص هذي

!!!!!!!!!!!

طبعا انا عيوني كانت طول الوقت طالعه بره
و اشويه و ابجي من الخرعه
ريال و يصارخ
اصلا تسمرت مكاني من الخرعه
لحظه لحظه لحظه
!!!
منو هذي

جنه اشر علي بطريقه غلط؟



امبيه انا مالي اسم؟؟؟؟؟؟
؟؟؟؟

الحلقه القادمه
باخذ بريك من قصة هالموظفه و تالي ارجع

:)

سر نعال زنوبه؟

كنت اول الواصلين باليوم الثاني بعد
و كان الجو حلو لانه بشهر فبراير
تمنيت اني اقدر اروح اتريق بره
بس عرفت انه علي التزام
في مكان شغلي الالتزام مهم جدا
حطو تحت جدا امية خط
من المواقف لي المبنى تمشيت على اقل من مهلي
اللي لفت انتباهي ريال مو مغتر شكله اجنبي
كان يعطي الحمام اكل
والحمام متجمع عنده
كان المنظر حلو
اليوم راح اعرفكم على واحد واحد في المجموعه
وصلت و قعدت على مكتب اللي ماخذه اجازه
بوقتها كنت احس اني متعديه على خصوصية احد
يمكن بتقولون كنتي يديده و ما تعرفين شنو خصوصية المكتب
بس جد انا حسيت بهالشعور
اول الواصلين كان ريال من عمر ابوي
و الصراحه تقال يعاملني مثل بنته
سلم و رحب فيني و قال لي جم نصيحه
الله يذكره بالخير و يجزاه خير
يابو له النسكفيه و البسكوت
عزم علي
بس انا كنت للحين مو متعوده على الريوق مثلي مثل باجي جيلي
فشكرته و قلت له لا والله يا بو فلان ما اتريق
طبعا عطاني محاظره طويله عريضه عن اهمية الريوق
و عطاني جريدته عشان اتسلى فيها
و قال لي ترى الجريده بس اول نص ساعه و بعدين ممنوع
ابتسمت و بديت اتصفح فيها
و انا اتصفح وصلت الدفعه الثانيه
كانو ثلاثه
الاولى اهي مسؤوله القسم باء و اهي انسانه منطويه و غيوره جدا
ما تسمع لها حس
و جفسه شويه (الجفسه)
يعني اذا سمعت لها حس بمعنى انها اذا تكلمت معاك تتحسف انك سمعت لها حس
الثانية اهي وحده شرسه ممممم شاطره بس شرسه و لا تبي تعلم احد اهي كانت مسؤولة المجموعه الف بس صارت مشكله و عاندت ادارتها و طلبت اعفاءها من المسؤوليه
تعرف كل شي و لا تبي تعلم احد اي شي (الشرسه)
الثالث اهو رجل هندي لا يجيد اللغه العربيه و لا الانجليزي (الهندي)
هههههههههههه
و هو مسؤول القسم الف
شاطر بس نحيس و يخاف يعلم احد
و اعلن اكثر من مره متى ما استغنو عنه راح يطلعونه لانه مو كويتي
طبعا سلمو و سالوني شلونج شخبارج؟
من هالسوالف
و بوقتها دخلت رفيجة اللي قاعده مكانها انا
مممم
شقول عنها
اهي طيبه
بس متقمصه دور المصلحه الاجتماعيه و تقط كلام ما تثمنه (المصلحه)
و اهي اكثر المجودين ترحيب فيني
دخلت وراها الاكثر مرحا فيهم بس لها عرات يعني مزاجيه
و وين مصلحتها تحب الاضواء و تعرف شلون تبرز نفسها (مزاجية)
اللي بعدهم دخل واحد يركض يبي يلحق على البصمه و دش ينافخ طبعا بوقتها ما ادري شالسالفه انا دريت بعدها انه تاخر عن البصمه و انها بالثواني تحسب هذا بروحه قصه و طبعا لقبه (الجنغل)
وو قبل جذي عرفتكم ان مسؤولتي عيوز و حنانه (الحنانه)

في ثنتين باجازه
اللي قاعده مكانه محترمه و طيبه و حبوبه (الحبوبه)
و الثانيه احسها مثل اخت طيبه و تنصح و تساعد (الطيبه)

طبعا كل الموجودين رحبو فيني و سولفو شويه
الحمد لله اني بوقتها كنت ارد عليهم و اسولف
مع اني كنت مرتبكه بس بعدين بعد مرور سنين دريت انهم ما حسو بارتباكي


المزاجية عزمتنا كلنا على الريوق عشان انا انظميت لهم و لاول مره اشوف انه اللي يعزم على الريوق يسال كل واحد شنو تبي؟؟
المهم طاف هذا كان عالم ثاني بالنسبه لي
تدرون اول وظيفه لي
المهم على الساعه 9 و نص وصل الريوق
و احنا قايمين ناخذ كل واحد طلبه اطالع الا الجنغل لابس انعال زنوبه
((تكرمون))
طلعت عيوني انا
@@
مسكين ناسي و ياي بنعال زنوبه مره ثانيه خايف يتاخر و مرده تاخر
؟؟
كان المفروض اني اكون ضم المجموعه باء
و بدو يعلموني بس عالخفيف لانهم وسط مشروع
في اليوم الثالث انتبهت انه الجنغل هم بنعال زنوبه
!!!!!!!!!!!!!!!!!!!!!!!!!!!!!!!!!!
لا يا داركنس السالفه فيها ان
لازم تعرفينها
و رابع يوم قاعده احفظ نفسي اول ما يوصل الجنغل قومي جنج بتفتحين الدريشه و و طلي على ريوله قبل لا يقعد

و فعلا
اول ما وصل اقوم و اسوي نفسي بفتح الدريشه و اطالع الا لابس جوتي ((تكرمون))

قلت اشوه اليوم ذكر

على الساعه 12 اقوم للصلاة و الا اهو ياي من دور ثاني بنعال زنوبه؟؟
((تكرمون))
لألألألألألألألألألأ

هذا يتمشى بالمؤسسه بنعال زنوبه؟

طبعا نعال زنوبه بقت سر من اسراره لوقت طويل
تمر ايام و اسابيع و اشهر لتتليقف المصلحه و تساله
"جنغل ليش تلبس نعال زنوبه؟؟"

يرد عليها
" والله انا مقاسي 48 و ما القى الا 47 و ريلي تعورني فمن اوصل اقط الجوتي و البس النعال "

ههههههه
!!


في الحلقة القادمه
" اول اجتماع في حياتي"

من عصر اخر

تبتسم بوجه مديرتها
لتتصل الاخيره على مسؤولة القسم
و تخبرها بان الموظفه الجديده اصبحت من نصيبها
تنتهي المقابله على هذا
و تخرج الموظفه الجديده مع السكرتيره
تاخذها السكرتيره الى مسؤولتها
تطرق الباب لتستاذن بالدخول
ياذن لها بالدخول
تدخل و اهي ترسم بسمه و ثقه بدءت تهتز
تعرف عن نفسها
تكتشف ان من هي امامها ليست الا عجوز

"تعرفون عاد العجايز و حنتهم"

تبدء بالكلام و لا تنتهي
تثرثر و تثرثر
تسالها عن امور غريبه عجيبه
و من عوارض الامور تسالها عن اشياء بسيطه
قد تعلمتها الموظفه في سنه اولى جامعه
و حين تجيب عليها الموظفه
تتفاجا المسؤوله بمعرفتها
و تنصدم لعلمها بهذه الامور
لتستطرق بعد ذلك الى ان المسؤوله حين تعينت هنا
في سنة .....؟

" قبل ان تولد الموظفه"

كانت ترى ان الكمبيوتر شيء عجيب
كيف انهم حين يبنون الشاشات و تظهر لهم
كانه سحر
و هي تخبرها بامور عاشتها خلال عملها هنا

!!

بالتاكيد كان على الموظفه سماع كل هذا بابتسامه عريضه رغم الصداع الفظيع
؟؟


اخيرا تخبرها عن ان القسم مقسم الى قسمين و انها ستكون ظمن القسم باء

و تبدا بتحقيق لا طعم له
" انتي متزوجه؟"
جم عمرج؟"
"عندج شروط"
"مرتبطه!!!!"

هنا يكون الذهول هو عنوان وجه الموظفه المسكين

بعد ذلك تخبرها المسؤوله انهم على وشك الانتقال الى المبنى الجديد
و لهذا لا داعي لان يحظرو لها مكتب
بل سيكتفون بان تجلس على مكتب احدى الموظفات لانها في اجازة

و تخرج هي و ايها لتعرفها على المجموعه
هناك ست سيدات و ثلاثة رجال
تنكمش الموظفهو تحس انها دخلت على لجنة تقييم
تعرف المسؤوله بها و تبدا بتعريف كل منهم على حده
تنتبه الى ان احدهم يرتدي "تكرمون" نعال زنوبه؟؟؟؟؟
تفكر " مسكين ناسي و ياي فيها من البيت و مو منتبه؟"

و يلقى البعض ملاحظات لا تفهمها هي و لكن يتضاحك عليها البقيه

في نهاية هذا التعارف تكتشف انها اصغر بكثير من اصغر فرد بالمجموعه

تظطر الى السؤال بكيفيه مخاطبتهم

هل بامكاني مخاطبتكم بام فلان و ابو فلان؟

لتغضب احداهن و تقول

"لألألألألأ لا تكبرينا نادينا باسمنا"

كان هذا اول المشوار
ينتهي اليوم الاول
و بنقبض القلب
و تشعر بانها
في
ورطـــــــــــــــــه

تصل الى المنزل و ترسم البسمه و الفرح
تخبر والدها و والدتها باحداث اليوم الاول

و تستعد لليوم الثاني
و ايضا تكون اول الواصلين في اليوم الثاني


في الحلقه القادمه
حكاية نعال زنوبه؟؟

موظفه

الساعه لم ترن بعد
الساعه الخامسه صباحا
ولكنها مستيقظه
او باحرى لم تنم
منذ الامس و اهي متيقظه
يملؤها التشويق و الرهبه
لقد اختارت ما سترتدي منذ ايام
و بالامس جهزته و عطرته باجود انواع البخور
و لم تنسى اي تفاصيل من تفاصيل لبسها
لا تستطيع ان تصبر بعد
قامت لتستحم
ثم ارتدت ملابسها
اكملت زينتها
و خرجت من المنزل
لا تحملها قدميها
فهي فرحه جدا
انه اول يوم لها كموظفه

!!

تتجه الى مكان عملها
لا تعرف احد هناك
و لم يقبلو غيرها
تصل الى وجهتها و تصعد السلالم
لتجد انها اول الواصلين

تنتظر بهدوء
تراقب المكان عن كثب
يبدا الموظفون بالوصول
تكتشف ان اغلب الموجودين من النساء
فتشعر بالراحه
و لكن هناك ثلاثة رجال
تطلب منها السكرتيره ان تتوجه معها لتجلسها في غرفة الانتظار
حتى تصل مديرة الاداره

تبادلها الابتسام

في الساعه التاسعه تقابل المديره
يدور حوار بسيط
بوجهه بشوش و ترحيب بسيط
و سن للقوانين

ثم توجه المديره لها سؤال
اي الاقسام تريدين؟

فلا تعرف ان تختار

لتختار هي لها القسم الغريب


يتبع

"في الحلقه القادمه: تكتشف انها من عصر اخر؟؟"