:/
اول شي ابي اقول ان كويت لازالت مختفيه
و اللي عنده اي خبر يطمنا عليها و يكسب فينا اجر
و الحين انا و ردتي للدوام بعد اجازه اسبوع
ليش كل مره برد من اجازه ما انام
ليش اروح مواصله الشغل؟
اليوم كسرت خاطر عمري
طول اليوم ما نمت عشان انام بليل
و كاني قاعده مبققه عيوني و قاعده
:/
بما اني للحين قاعده فانا بكتب كل شويه شي لين يصير وقت الدوام
:)
اشياء ما احب اكتب عنها
اللي اهي اوضاع البلد
مو عشان شي
بس لانه انا مقتنعه ان النقد يكون بالويه
و بما ان المدونه هذي شي شخصي و ما راح يوصل الا ما ندر منها
فعشان جذي مبطله الكلام بالوضع الحالي
بس يلا دام السهر فيني فيني
خل افضفض
اولا
نتائج الانتخابات
سؤال للي فرحو
على شنو فرحتو؟
على التغيير
!!
انا بكل بساطه صدمت
اصلا النتائج اللي اعتبرتوها تغيير
انا شفتها تخبط و ضياع للرؤيه الصحيحه
بكل بساطه اكو ضياع للفكر الكويتي
و اكو شي اكبر و اكثر هما
اكو اقليات قاعده يوصل ممثليها بقوه
طبعا واضح للكل اهم اسباب هالشي
و بتقولون لي ان الديموقراطيه هي وجود من يمثل الاقليه بالبرلمان
برد ان وجود مو اكتساح
بالنسبه لنسبة التغير ممممم
عفوا بس هل انتو مقتنعين ان اللي وصلو
اقصد اليدد
اهم الافضل؟
يعني ماكو افضل من اللي وصلو ؟
انزين اللي ردو لمقاعدهم
صج صج صج
سؤال يسدح بقلبي
ليش رديتوهم؟
ما اقصد الكل
لانه في بعضهم يستاهل انه يرد
بس في ناس انتو رديتوهم كنتو تحاربونهم
و بالنسبه لرئاسة المجلس
عفوا اخواني
بس انتو اللي رديتوه
و رديتو اللي مايدينه
او اللي عايشين تحت بشته
فليش كل اللي قاعدين تسونه الحين
بالنسبه للحريم
بمعنى الكلمه لا تعليق
امبيه ترى عجبه اللي صار
اللي يضحك ان في ناس مستانسه بفوز النساء لمجرد انهم نساء
لا و كلمن يقول بفخر اكادميات
عفوا بس هالشهاده اهي مقياسكم للامور
للعقليه للطرح؟
هل صار الفهاميه تقاس بالشهادات
الاولى هي رمز من رموز العنصريه المذهبيه
و سمعت ان وايد يدافعون عنها خصوصا طلبتها
و يقلون عنها سياسيه و فاهمه
ردي هو كالاتي
اسمع كلامك اسدئك اشوف افعالك استعجب
شوفوها لما كانت وزيره
منو مسكت
جم وكيل غيرت
و جم موظف وظفت
اي و اهم شي من اي مذهب
:)
و الصغنونه الكتكوته
اللي تبهر النظر
مثل التفافيخ الملونه تجذب عيون الصغار
بس بالاول و الاخر تظل تفاخيه
فاضيه من الداخل
اوه اسفه ما ترضى
لازم نناديها دكتوره
:)
التالته بئه
يمكن هذي الوحيده اللي ابلعها
بس افكارها شويه مستحيله
بتصلح شؤون البلد بسنه
اقتصاد نخرة الفساد
يعني حتى لو عندها عصى سحريه صعبه تصلحه
يعني يا ليتها تبطل احلام
و تعيش الواقع
و ياريت تعيش الكويت
و تنتمي للكويت
و لو بالحكي
:)
الرابعه
و ما ادراك ما الرابعه
الرابعه لما تكلمنا احنا تقول انا بنت الفلان
صوتكم
!!
صوتنا
مممم
و بنت الفلان
و لا لي و اقطع
يحليلها
شي عجيب
بنت الفلان
اشووف لما تزوجتي قطيتي الفلان و لا همج
و بعدين شنو لي و اقطع
منو عطاها الحق بهالطلب العجيب الغريب
مممممممم
يمكن الفلان؟
ثانيا الحكومه
الضحكه الكبيره
حيث نضحك و نبكي
حتى يخال الناظر لنا باننا جننا
هنا بهالمدونه
اللي اهي مساحه لي
اقول حسبي الله و نعم الوكيل
سعدت فقط باسم الدكتور هلال الساير
و الله يعينه على المسؤوليه
و عساه عالقوه
طبعا هناك اسماء احترمها بالتشكيل الوزاري
و لكن صدمت بمواقعهم
حسيت ان في ناس همشوهم
لان الشعب حبهم
و عندي سؤال يسدح بالقلب
ابي اعرف الحين التقاعد من اي سن
و مو يقولون انه اكو سن يجبرون فيه الشخص على انه يتقاعد
لانه حسب قولهم عمره العطائي انتهى
@@
الله يرحم الحال
:/
هذا كله
و من الحين اقدر اقول
انه اذا النواب ما تعلمو من هالصفعه (الطراق)راح نشوف الاحداث تتكرر
بالقريب العاجل
و يا اهلي
لا تاملون بباجر اجمل
لانه باجر ما يكون اجمل بالتامل
يكون اجمل بالفعل
و تبقى القصه كلها
غصة سفينه
تحتاج ربان
