اول تاق

تاج من نعكشة

عشان خاطر احلى نعكشه بالعالم حنجاوب

:)

بدأت تدون من امتي ؟ و دخلت العالم ده ازاي ؟
بديته من الثامن من ديسمبر 2007
هي الحكايه اني كنت احن على بيس ندشه مع بعض لاني كنت متهيبه الجو و كانت اهي رافضه بعدين لما شلت الفكره من راسي يت اهي و قالت تبي مدونه و ما تبي تفتحها الا اذا انا دشيت اول بالبدايه ما كنت ابي و كنت ابيها تدش بروحها بعدين دشيت عشانها و تولعت اكثر منها

:)

ايه كان انطباعك في البداية ؟

انا كنت اقرى المدونات قبل سنه من بدايتي بالتدوين و للعلم القراءه تعطيك صوره اخرى يعني لما تدخل العالم تكتشف اشياء يديده ناس كانو عاديين بالنسبه لي صارو وايد عزيزين علي

انطباعي الاولى اني كنت اشوفه عالم كبير و مو عرفه اتعامل مع المدونين ما ادري شنو ممكن يفكرون و بعدين ما ادري شنو اكتب عنه يعني كنت اكثر خجلا من الحين بس هذا العالم يملك سحر يجذبك و يخليك تسترسل بالحديث

مين أكتر واحد بتهتم بتعليقه علي بوستك الجديد ؟

على حسب نوعية البوست يعني على سبيل المثال البوستات اللي اتكلم فيها عن احساس او غربة او ضياع استمتع بردود استكانه و الزين و خروفه و نجومه استانس لما خروفه تهددني و الا تزفني و الا لما نجووومه تتفاعل بصوره قويه :) ترى انتو الاربعه عسل صج
و البوستات اللي فيها عمق تفكيري و سؤال محير بلا شك انطر رد اخو بوراشد لانه دايما يعطيني رؤيه يديده للموضوع و منظور اخر للقضيه بزاويه اخرى
بس ما انكر اهمية ردود الاخرين يعني كل واحد اخذ من وقته و رد علي انا جدا شاكره له و كان لي الشرف بتواجده اهني
و من اهم الاشخاص اللي استانس بردودهم اهو اخوي محسد

مين اتعرفت عليه من خلال المدونة و نفسك تتعرف عليه في الحقيقة ؟
كلهم لانهم كلهم محترمين و انا تشرفت اني كنت معاهم بهالعالم

بس ملاحظه انا ابي يا اتعرف على الكل او ما اتعرف على احد ما ابي حل وسط

ههههههههههههههههه

ايه أهم حاجة اتعلمتها من عالم التدوين ؟

ان بالعالم اكو وايد ناس طيبين و محترمين و ان من الممكن انك تعز ناس ما صادفتهم بحياتك

تعلمت ان الكويت فيها وايد ناس تحبها بصدق و الله يزيدهم و يقويهم و ينصرهم لنصرة الكويت

ايه أكتر حاجة كرهتها ؟

مممممممممممم وايد اشياء

الاحزاب اللي بين الدونين شي يحزني

و اذا المدون نسى ان اكو بنات تقرا

يعني اظن نستاهل ان الناس تحترمنا دام احنا محترمين نفسنا؟

ممكن تدي مثال عن اللي بتحلم تلاقيه ؟
احلم ان الكل يكبر راسه و ما يعاند و يناقش بموضوعيه و الخلاف بالراي لا يعني اهانه لعقلية الطرف الاخر و التدني الى مستوى السب الخلاف بالراي يعني ان باب النقاش مفتوح و للموضوع الواحد عدة جوانب و عدة نظرات لعلاجه و هذا شي يجب ان نسعى لتطويره و انتشاره

حاسس ان التدوين له تأثير ؟
اي له تاثير و تاثير قوي و هذا شي ايجابي اذا عرفنا شلون نستغل هالشي بطريقه سليمه

طيب كلمة أخيرة ؟
اول شي اشكر نعكشه و جدا انا مبسوطه اني تعرفت عليج و انتي بنت زي العسل و ربنا يحميكي و يوفقج

و للي يقرون لي انا جد احبكم و اعزكم و احترمكم و اتمنى منكم التوجيه لانه رايكم يهمني

:)

أوجه التاج

ههههههههههههههه اوكي احلى بارت بالتاج

ودي اوجهه حق بيس بس اهي بتسافر و بتحقرني و ما راح تسويه عشان جذي بعفيج منه

:)

اوجهه حق

5roofa
BO RASHED
cece
estekana
kazmawy
Najmah
shlalat
الزين
الوجد
مُحَسَّدْ

التنوره!!؟؟

ملاحظه اجلت " فوق انه جنقل طلع جذاب"

بعد نصف ساعه من الضحك
كنت اروح للمجموعه الباسله
في قفص زجاجي
الهندي النحيس اختفى في يوم من الايام
اليوم اللي وراهم هم كان مختفي
واللي وراه هم مختفي
؟؟
المهم قوم اللي كان طيب مثل ابوي دق عليه
طلع فقير و اهو يصب البنزين طاش البنزين و احترق
و احترقو ايدينه
فكنت في ذاك الوقت بدون تيم ليدر
و شدعوه تيم ليدري تيم ليدر
المراد
يا داركنس بتنفجرين من الملل؟
الحل
انقذوووووووووووووووووووووني


تدرون شنو سويت؟
شريت مجلات الكلمات المتقاطعه
بديت اشتري بالهبل
و احل
صرت خبره فيهم
ههههههههههههههه

هم هالوضع ما عجب الحنانه
شنو سوت؟؟

نادت الشرسه و قالت لها علميها
جدام الحنانه تبسمت الشرسه بكل براءه و قالت ان شاء الله حنانه
و من طلعنا من مكتب الحنانه و اهي تنافخ
انا مو تيم ليدر انا تركت لهم التيم ليدر انا مالي خلق اعلم انا تعلمت بروحي و شتبيني اعلمج و ما تتعلمين الا اذا يت مشكله و اذا يت مشكله ما يبون متدربين يبون ناس تحل المشكله بسرعه و احنا شغلنا فلوس و انا بانيه النظام بيدي و انا و انا

؟؟
تعرفون ويه آلى ماكبيل اذا توهقت؟
بالضبط بالضبط
لا لا
اقول لكم بالضبط يعني لا اكثر و لا اقل
!!
و كل ما اروح اقول لها الحين تعلميني
ترد علي اليوم مالي خلق
او مشغوله انا
او تعبانه
او بستاذن
او
او
لين نادتني الحنانه مره ثانيه
جان اتوهق شقول؟
ما ابي اصير فتانه؟؟
الحنانه تسال و انا بس اطالعها ماكو اي رياكشن
نادت الشرسه جان تقول بكل وقاحه اني انا ما ذكرتها؟؟؟
ابتسمت و قلت الحين نقدر نقعد مع بعض
و تقدرين تحددين لي ساعه كل يوم من وقتج
ههههههههههه
حسيت انها بتذبحني
و فعلا صار اللي قلته
بس تعلوم مو مثل اي تعلوم
هذا سهل و هذا تعرفينه و هذا جذي و هذاك جذي و هذا
بدون اي معلومه مفيده و لا اي شرح

ما تبي تعلم


بعد ما داوم الهندي قامت الشرسه و راحت للحنانه و قالت لها خلي التيم ليدر يعلمها
و فعلا هذا اللي صار
بس اتحدى اي واحد فيكم انه يفهم من هالهندي جمله واحد
شوفو انا بعد جم سنه بديت اجمع الكلمات
و الكلمات المتقاطعه عطتني خبره بهذا المجال


!!


الطيب و الجنقل كانو يختفون اغلب اوقات العمل
يعني تقريبا من التسع و نص لي الوحده
و لما ايون كانت هناك صدمات لي
من تلك الصدمات
الطيب كان وايد محترم و خلوق و يحترم مرته
فكان الجنقل يطفره و يقول له انك سكانه مرته
و يبتدون يتناجرون
لتتدخل الشرسه و المزاجيه بالموضوع
و باسهاب كبير
لكم ان تتخيلو الى اي مدى؟؟
صدمه اخرى
عندما يحدث الجنقل زوجته بالتلفون
للعلم مرته اهي بنت عمه
يكلمها بصوت عالي
انتي ما تفتهمين؟
حم......ه
بق.......ه
يا بنت .....الخ
و الا انا مو قايل لج ما تروحين بيت اهلج
يلعن ا...ج لا ابو ....ج

صدمه اخرى
حين فتحت المزاجيه و الشرسه مع الطيب و الجنقل قضايا الحب
و جم مره حبو بحياتهم
!!!!!!!!!!!

امبيه لألألألألألأ

ذكريات لا تنسى
انا لو اكتب مسلسل مو احسن لي؟

اي على فكره اني احط بيس بالبلاك ليست لمجرد انها تغشمرة معاي هذا شي الجميع يستغرب منه
لانه بالاول بيس مو من النوع اللي تتغشمر مع الناس الا القراب منها
و ثانيا على حد قول اللي حواليني اني وحده اكتف يعني احب اختلط بالناس
بس بيس تغشمرت معاي لانها كانت تسمع عني من رفيجاتها و كانت حابه نتعرف بسرعه
هههههههههه

اتوقع انها تحسفت
هههههههههههههههههههههههههههههههههه

;p

من المواقف الطريفه اللي صارت لي باول حياتي العمليه
و انا طالعه من المؤسسه
امشي لي المواقف و ماشه لا بي و لا علي
اركب سيارتي اشوف وحده تهرول و تاشر صوبي
انا هو اكو شي طايح مني؟
التفت وراي ماكو غيري
اطلع من سيارتي
انطر هاللي تاشر
وصلت
السلام عليكم
وعليكم السلام
انتي موظفه يديده
اي نعم امري
انا فلانه الفلاني شفتج مع بنات القسم الفلاني
يا هلا و مرحبا + ابتسامه شنو تبين؟
اشفيج مخترعه
لا ولا شي عادي بس عبالي طاح مني شي
هههههههههههههههه لا انا بس حبيت اسالج تنورتج من الكويت
اي
صج من وين وايد عاجبتني
صدمه + من المجمع الفلاني تلقين المحل بالزاويه الفلانيه
بجم؟
صدمتين + و الله ما اذكر شاريه معاها كذا شغله
اي مشكوره

حياج الله

!!
انتو لو شايفينها شلون تدبج وراي

و ما ادري من متى بس مبين من مسافه طويله
!!!!!!

الحلقه القادمه بتكون الجنقل الجذاب

تابع ليوميات موظفه

مرحبا
ادري من زمان عن هاليوميات بس كل مره بكتب شي اتوهق مو عارفه شلون اعبر لكم عنه
المهم اليوم قررت اكمل باجي الحكايه
سامحوني ان خربطت بالاحداث لانه الاحداث صايره قبل جم سنه
تذكرون اني قلت لكم اني تعينت مع موظفين اكبر مني باكثر من عقد من الزمن


في هذي الاثناء كانت الحنانه ما تبي تعطيني شغل لين ننتقل للمبنى اليديد
تخيلو من الساعه سبع و نص لي الساعه 2 تكون محبوس بمكان واحد بدون اي وظييفه
اهني بديت احس بالحبس
كان لازم القى طريقه اسلي نفسي فيها
كان في ادارتين بالدور اللي احنا كنا فيه
و الاداره الثانيه كانت سكرتيرتهم اصغر مني بسنه
يعني على الاقل في احد من سني
تعرفت عليها و تعرفت على السكرتيره الثانيه اللي كانت لبنانيه
بسميها المهضومه
صرت انا و اللبنانيه ربع
كل يوم الصبح سوالف و ضحك
عن طريقها تعرفت على بنات الاداره الثانيه اللي اهم مهندسات
كانت عندي اول نصف ساعه هي اجمل نصف ساعه بالدوام لانها كانت ضحك و غشمره و موضه و لبس و صبغات و خرابيط البنات بالضحك
كان يفصل مكتبي عنهم زجاج
عقب النصف ساعه من الضحك مع المهضومه و مع الحليوه مهندسه من المهندسات كنت انحبس بمكتبي اللي يفصلني عن اللي من عمري تقريبا زجاج
وحده فيهم ماكانت تيي قبل البصمه بمده فكنت اسولف معاها بعد ما اتوجهه لمكتبي عبر الزجاج
كانت هذي ام عمر
تطرق الزجاج كل صباح لتصبح علي
اذكر اول حوار بيني و بين ام عمر
:)
سالتها فيه جم صار لج تشتغلين؟
فجاوبتني
بكل دهشه قلت لها ما شاء الله
قالت ترى بسرعه السنين تمر
و فعلا صدقتي يا ام عمر بسرعه السنين تمر

بهذه الاثناء كانت بيس تداوم بالمبنى الجديد فكنت انا ما اعرفها و لا اشوفها
بس اسمع ام عمر و الحليوه و المهضومه دايما يطرونها بالخير و بوش بوش بتداوم اليوم اهني و الا بوش بوش بتمرنا

انا ما كنت اعرفها فما كنت مهتمه لها
و اتى اليوم الموعود


كانت بيس او على حد قولهم بوش بوش بتداوم عندنا
و كعادتي كل صباح اكون مع المهضومه
لقيت بيس هناك معنا
اتغشمر مع المهضومه لتقاطعنا بيس بمزحه غريبه من نوعها
اتطلع اليها مذهوله
افكاري تحدثني
" تتهاوشين معاها؟؟ لا انتي يديده طوفي "
في تلك الاثناء ادخلت بيس القائمه السوداء
هههههههههههههههههههههه
و انهيت حواري مع المهضومه على عجاله و تعذرت باعذار واهيه و انسحبت من الجلسه
طبعا ما كنت النص ساعه عاجبة لا الحنانه و لا مديرتي فامرتني الحنانه اني م اوقف اسولف مع السكرتيرات

!!!

@@

بوقتها ما عرفت ارد عليها
بس كان المفروض اهي من نفسها تعرف انها ما شرتني انا اكلمهم قبل الدوام الرسمي
و الا اهي تحسب اني من ادش الدوام صرت عبده لها؟؟

كنت بذاك الوقت ما ابصم و اذكر اكثر من مره اطلب من السكرتيره انها تسال لي ليش انا ما ابصم و مسكينه السكرتيره تتصل على شئون العاملين و اهم حاقرينها

و فجاه
بيوم من الايام
يدق التلفون اشيله
الو
الو داركنس
اي نعم امري
انتي ليش ما تبصمين
ما عندي بصمه
ليكون عبالج انج مديره
.....
ما تشوفين الناس كلها تبصم
.......
ما تفتهمين انتي
......
و الا معفى عنج
......
اشفيج ما تردين
انا و كاتمه البجي و ويهي يقولب حمر اخضر اصفر كل الالوان ترى الاسلوب اللي كلمتني فيه كان جدا سيء و قد ما حاولت اصفه لكم هم ما ينوصف
انا قلت لهم بس محد رد علي
اقول يلا الحين تعالي الدور عندي اسوي لج بصمه

!!!!!!!!!!!
سديت التلفون بجيت بجي
اللي سيده من مكتبي على مديرتي
و الله فديتها مديرتي اخذت حقي و زياده
و هذي اللي دقت علي تاسفت لي بالتلفون و لما رحت لها
لا و خلتها تيي تعتذر مني عند مكتبي

:)

الحلقه القادمه " فوق انه جنقل طلع جذاب"

سامحوني اذا كنت مليقه
عشان اخفف من ملاقتي

مصري كاتب رسالة بالانجليزي
Dear Friday
عزيزي جمعه//واحد صاحبه

when I was in the lady first yesterday i saw a piece of girl
اول امبارح وانا ماشي في السيده شفت حته دين بنت

she was egg and sweet
بيضه وحلوه

i said: ya earth keep what on you
انا قلت: يا ارض احفظي ما عليكي

a hundred evening on your eyes ya beautiful
ميت مسا علي عيونك يا جميل

she said : poison
قالت : يا سم

i said : poison from your hand is poison poison ya moon
قلت : السم من ايدك يبقي سمسم يا قمر

she shouted in me : yes yes your mother soul.
صرخت : نعم نعم يا روح امك

do you remember me one of them
أنت فاكرني واحده من اياهم

collect your self or i will collect the street on you ya omar
لم نفسك ولا الم عليك الشارع ياااااااا عوووووومر

the girl entered my brain
البنت دخلت دماغي

i said : why like this ya daughter of people
قلت : ليه كده يا بنت الناس

i want you on the book of god and his profit
انا عاوزك علي سنه الله ورسوله

the boon on me i write my book on you tonight
ندر عليا اكتب كتابي عليكي الليله

she laghed and said on your slow on your slow
ضحكت وقالت: علي مهلك علي مهلك

write the book one piece? not talk on me first
تكتب الكتاب مرة واحده؟ مش تتكلم عليا الاول(يعني تكلم أهلي)

i shouted: i die in the cream ya thousand whites morning
زعقت: اموت في الحلاوه يا الف نهار ابيض

i am going to talk on you right now and writ my book on you
انا رايح أتكلم عليكي حالا واكتب كتابي عليكي

حوار

هي حقيقه و الا خيال؟

هي واقع لكنه محال

تحبها؟

ابيها و لو انها صعبة المنال

ليش؟

تحب غيري

تحبه تحبه و الا حب هذا الزمان؟

ما ادري

عيل منو يدري؟

....الزمان

شلون تعرف انها تحب!!؟ و ليش قلت ابيها ما قلت احبها

ادري انها تحب بلا امل و مو عارف احبها و هي تحب غيري

و تدري انها تقدر على الصبر و الا لأ

ادري اني بجرب الترحال

ليش ترحل قبل السؤال؟

و شلون ابقى و انا ما اعرف باجي الحوار

و ترحل؟

يمكن اقدر انسى

و يمكن ان الزمان يقسى

يمكن

محتاجه

صباح مشرق
يزهو و يتباها بسماءه الزرقاء
و يبشر بجو غاية بالروعه

يشق هذا الجو صوت صفير
يعلن بان المياه قد غلت
تتقدم بابتسامه باهته
و بذكريات مشرقه
تناظر اطفالها الصغار
تنتبه الى ان ابنها البكر يفتح الحلويات و يقدمها لاخته الصغرى
تغمرها فرحه و اشراق
و تتقدم منهم
تبتسم له و تخبره بانها سعيده بفعله هذا
يبتسم لها بخبث
و يخبرها بصوت خافت
"احسن عشان يطلع لها سوس"
!!
هههههههههههه
يا لها من براءة الاطفال
يرن الهاتف
يهتف قلبها قبله
و تقفز لتجيب عنه
صوته يذوب جبال ثلج الشوق و الحرمان
يسالها
"انتي بخير؟"
تجيبه
" انا في غيابك ما لي بالخير حاجه
انا
لك انت محتاجه "

تجر البنت الهاتف من يد امها
و تقول بحروف بريئه
"بابا حبيبي متى ترد"؟

ترى صج جربوها

Keep looking at the picture

if you truly love someone then

you will see his/her picture in the frame.












Try it out!!!!!

It worked for so many people.

(Takes about 15 to 20 secs!)


تذكرينها بيس؟؟


ترى اهي اللي دازتها لي بالايميل من زمان

هههههههههههههه

طيبه

طيبه
ناجحه
متفوقه
موفقه


تحب الخير للناس
و تنشر الابتسامه لمن يكون حولها
تضحي بالكثير من وقتها من اجل مصلحة عائلتها
وفقت بزوج صالح حنون
اعانها على الطاعه و على الوصل
كان لها الزوج و الاب و الاخ و الصديق
فكانت له اجمل نساء الدنيا

هي واقع
اراها كثيرا
فاحمد الرحمن لوجودها
و لجعلي اثق بان الدنيا لازالت بخير

كنت بعيده عنها
فكنت استغرب حب المقربين مني لها
و استنكر دفاعهم المستميت عنها
لاني بكل بساطه كنت اسمع من يجعلها مخطاه

الان كلما قال احد "اشمعنا فلانه تدافعون عنها"
يكون جوابي بكل بساطه "صيرو مثل فلانه تالي قولو اشمعنه فلانه!!؟؟"

لا تفقدو الامل

فبالامل نحيا جميعنا

صدق او لا تصدق

لا تصدق
اني فيك مغرم
صدق
اني في غيابك ما عرفت انسم

اشتياقي لك
ما هو حقيقه

الحقيقه
اني من غيرك عايشه بين اهلي غريبه

غربتي هي الالم
نوح
ودمع
و سقم

ضعت انا مني
صرت انا للقسى مرسم
و اختلط جرحي بالالم

و لا عدت ابيك تقترب مني
انا اللي بقترب

و اقترب



و اقترب


و اجتهد و اصبر على الجرح
لين يلتئم

لغز

مبروك للـــ خيلااااااااااء

يابتها

صج لي قالو

ما يجبها الا نسوانها

:)

و هديتها

شنو الشي اللي ينوكل بس مو من مصدر عضوي يعني لا من نبات و لا من حيوان؟
الحين كملنا يوم على هاللغز
؟؟
اهو شي ضروري لكل الناس
يعني لازم يتناوله بكميه محدده
ويعتبر جزء من الطعام
اعتقد وضحته؟؟

شلت الموافقه على التعليق لاني حسيت اني مرتبطه بالتجييك كل شويه

متخيلك

متخيلك جنبي
اتاملك
تعصب تثور
اتحملك
تدلع تموق
ادللك
قريب بعيد
اشتاق لك
اتخيلك

---------------------

باريس

----------------------

ماضى مضى و عمر انقضى
لا قلب سهى و لا تعود اللظى
و يوم انرسم بعقولنا
انت و انا


و ابقى انا
مثلي انا
يوم يجي و يرتحل
حلم يبدى
و
يختفي

عهد ما يلقى وفي
صبر ينتهي
صرخه تون
بصدر الزمن
جرح يلتهب
و ما يمديه يلتام


كل هذا و انت ما تحن

طبايع

الناس طبايع

و انا طبعي من

طبع نفسي ضايع

يقولون الوفا ارث

و انت الوفا فيك ضايع

يا مرخص الحب

تراك بالحب صايع

و مهما عشت و شفت

عمرك بالهوى ضايع

مستوحى من البوست السابق

====================

مساكم الله بالخير

البوست اللي فات خلاني وايد افكر

شوفو افكاري الجنونيه

الحين خلونا نفرض فرضيه
لنفرض ان شخص يحب
سواء الحب متبادل او لأ

هل من حقوق الحب الوفاء؟

يعني احنا نوفي لانفسنا

لمشاعرنا

؟

و الا نوفي لشخص اخر

انزين

مو من المفروض ان الانسان يحترم ذاته

يحترم شعوره

شلون بيكون موقفك و انت تخون ذاتك؟

في الطرف الاخر هناك ارتباط

اذا كان الحب متبادل

او كان زواج

و بموافقتك عالارتباط انت وافقت على الوفاء

و الا انا غلطانه؟

يعني الانسان مواقف

و كل واحد يبين من ردود افعاله

و اذا كانت الظروف سلسه و يسيره

شلون يبين الافضل من السيء؟

و ليش يتميز البعض عن الاخر

و ليش في ناس تتغلب على الظروف و ناس تغلبها الظروف؟