شي قاهرني من مده
انا قلت لازم اتحلطم اليوم و اطلع حرتي
يعني انا ادري ان الخدم شي اساسي بالوقت الحالي
و محد فينا يقدر يستغني عنهم الا ما ندر
يعني احنا اتفقنا ان عمل المراه ضروره
و حتى المره اللي ما تشتغل مو اقل من الحريم الباجين
يعني الخدم لازم لازم في كل بيت
و بصراحه اكثر انا وحده ما استغني عنهم
يعني اقدر اتحمل يوم اسبوع شهر او حتى شهرين بس مو اكثر
اللي قاهرني شيين
الاعتماد الكلي على الخدم
يعني تاخذ دور المعزبه و المعزبة لاهيه و مخليه القرعا ترعى
يعني الخدم موجودين لسبب واحد بس لا غير
اهو التنظيف فقط
و الطباخين للطباخ فقط
و السواق للسياقه
مو انهم يديرون البيت
و ترى التربيه من واجب الام
و اذا كلش كلش يبو مربيات متدربات مو تقطونهم على خدم
يعني الكل عارف مشاكل الخدم و بلاويهم
طبعا برد لهذا الشي بتحلطم ثاني
بس اليوم بتحلطم على شي يسدح بقلبي من مده
انا بفهم شي واحد
شفيهم العوايل الكويتيه؟؟
تخدت و الا شنو
يوم تمنعون الخدم من الطلعه و تهيتون بناتكم
منو المهم الخدم و الا بناتكم؟؟؟
يعني الخدامه باللي لا يحفظها لا اهي و لا اخلاقها
شكو احنا فيها لا اهي عرف و لا ولف
و لا تقولون ربينا بناتنا و نعرفهم
محد يظمن
و بعدين الشيطان شاطر
و اصلا البنات يهيتون بسن خطر
توهم ما يعرفون الصح من الغلط
جد جد قاهريني هالامهات و الابهات
يبه خافو على بنياتكم الله يخليكم
و اذا البيت ضيج
هيتوا الخدم
!!
