صدق او لا تصدق

لا تصدق
اني فيك مغرم
صدق
اني في غيابك ما عرفت انسم

اشتياقي لك
ما هو حقيقه

الحقيقه
اني من غيرك عايشه بين اهلي غريبه

غربتي هي الالم
نوح
ودمع
و سقم

ضعت انا مني
صرت انا للقسى مرسم
و اختلط جرحي بالالم

و لا عدت ابيك تقترب مني
انا اللي بقترب

و اقترب



و اقترب


و اجتهد و اصبر على الجرح
لين يلتئم

لغز

مبروك للـــ خيلااااااااااء

يابتها

صج لي قالو

ما يجبها الا نسوانها

:)

و هديتها

شنو الشي اللي ينوكل بس مو من مصدر عضوي يعني لا من نبات و لا من حيوان؟
الحين كملنا يوم على هاللغز
؟؟
اهو شي ضروري لكل الناس
يعني لازم يتناوله بكميه محدده
ويعتبر جزء من الطعام
اعتقد وضحته؟؟

شلت الموافقه على التعليق لاني حسيت اني مرتبطه بالتجييك كل شويه

متخيلك

متخيلك جنبي
اتاملك
تعصب تثور
اتحملك
تدلع تموق
ادللك
قريب بعيد
اشتاق لك
اتخيلك

---------------------

باريس

----------------------

ماضى مضى و عمر انقضى
لا قلب سهى و لا تعود اللظى
و يوم انرسم بعقولنا
انت و انا


و ابقى انا
مثلي انا
يوم يجي و يرتحل
حلم يبدى
و
يختفي

عهد ما يلقى وفي
صبر ينتهي
صرخه تون
بصدر الزمن
جرح يلتهب
و ما يمديه يلتام


كل هذا و انت ما تحن

طبايع

الناس طبايع

و انا طبعي من

طبع نفسي ضايع

يقولون الوفا ارث

و انت الوفا فيك ضايع

يا مرخص الحب

تراك بالحب صايع

و مهما عشت و شفت

عمرك بالهوى ضايع

مستوحى من البوست السابق

====================

مساكم الله بالخير

البوست اللي فات خلاني وايد افكر

شوفو افكاري الجنونيه

الحين خلونا نفرض فرضيه
لنفرض ان شخص يحب
سواء الحب متبادل او لأ

هل من حقوق الحب الوفاء؟

يعني احنا نوفي لانفسنا

لمشاعرنا

؟

و الا نوفي لشخص اخر

انزين

مو من المفروض ان الانسان يحترم ذاته

يحترم شعوره

شلون بيكون موقفك و انت تخون ذاتك؟

في الطرف الاخر هناك ارتباط

اذا كان الحب متبادل

او كان زواج

و بموافقتك عالارتباط انت وافقت على الوفاء

و الا انا غلطانه؟

يعني الانسان مواقف

و كل واحد يبين من ردود افعاله

و اذا كانت الظروف سلسه و يسيره

شلون يبين الافضل من السيء؟

و ليش يتميز البعض عن الاخر

و ليش في ناس تتغلب على الظروف و ناس تغلبها الظروف؟

معاناة

تعاني لتفتح عينيها
تفزع اين هي؟
!!
تلتفت يمينا و يسارا
آآه
هذه غرفتها في منزل ذويها
صداع
يزداد الالم بعد ليلة بكاء
نزيف حاد
يستنزف قواها
نزيف بلا دماء
نزيف الارواح

خفقه متمرده بقلبها المستهلك

هواجس تخنق الافكار

شوق و هلاك

يرن هاتفها

بنغمه ترميها باعصار الضياع

لن ترد
يكفيها ما جائها
تمسك الهاتف لترطمه بالحائط


تنجرف لفيضان الاوجاع
تخنق صرخات الالم

يفتح باب الغرفه بهدوء
يطل من خلاله وجه حنون
يعاني مع معاناتها
و يشعر باحتياجاتها
تقترب منها امها
تحتظنها و تقرى عليها
و يبقى وجه اخر هناك يطل من خلال الباب
يسال الام بلغة العيون
و تطلبه ان يرحل حتى تهدا ابنتهم

تغفي العيون
و العقل هالك بالالم و الضياع
تسمي عليها الام
و تطرق ابواب الدعاء
تستنجي بالرحمه من ارحم الرحماء
تستعطف الخلاق لفرج قريب
و هم يبعد بعيد



ليش يخون؟

----------------


bo rashed said...
داركنس هذي حصريا على مدونتج

~~~~~~~~~~~~~~~~~~~~~~

مني التحيه لك يابدر واجب

ممنون لك غدرك منك علي واجب

دينك خذيته سلف والرد لك واجب

واجب نرد الدين والحر يرد باصله

وشين الفعل منك مارده لك باصله

ساسي انا من ذهب وعرجك يحن لاصله

اصلك ياعمري شري ومرك علي واجب

~~~~~~~~~~~~~~~~~~~~

مشكور يا اخوي بو راشد

جد شرفتني بهالزهريه

:)
====================
Najmah said...
اسامحك هو بقى عندك عذر
تقوله لقلبي لجل يسمح خطاك
الا الخيانه مالها عندي عذر
هذي النهايه.. ما اقدر اكمل معاك
ياما لجلك تحملت القهر
مجروح اضحك.. غايتي ابي رضاك
وان شفتني ابكي.. قلت.. من العطر
عطرت انا عيني ياعمري بلقاك
!!

نجمه ضاويه بعالي سمانا اسمح لي
بس بصراحه ردج ابداع


خارج النص
صار لي اسبوعين معلقه معاي هالسامريه

ترحب بغيري وانا الولهان ..... وانت عيوني معنيـــها
شتــان مابيننا شتـــــــان ..... تبغى الليالي تمضيـها
ماني سراب وحبي بــــان ..... غلطه ولا ابيك تطريـها
خابرك ياقايـــــــد الغزلان .... تنصى الكرامه وتشريها
لولا لحبك في قلبي شـان ..... مااسلمك روح اغليهــا
دانه بحر دونها حيتــــــان ..... حلفت والله مااعطيهـا
لا تضيع الحب يافتـــــــان ..... رد الامانه لراعيهــــــا
حيرت قلبي وانا الحيـران ..... اهات قلبي مااخفيــها

ابهتت

دنيا طفت
الوانها ابهتت
شمعه ضوت بخاطري
طفتها دمعة ناظري
دوري اظلمت
و تقفلت
بيتي انهجر
ما ياصله ضي القمر
كنت
ترسم خاطري بالوان الفرح
تشعل ناظري بشمس الضحى
افقدني انا
في غيابك
احتاجني لانك بكل بساطه
احتاجك
ادفن اوراق العمر
و اصتبر
و احتسب عند واحد احد
عله يرزقني الفرج
و اعاود اتحدى ضي القمر







الظاهر اني لما كنت اقول
احبك
انت ما كنت تعرف شكثر انا اعنيها
انا احبك
بكل معانيها

راقصه على بوابة المؤسسه

نهاية الشهر الاول
واو
راتب؟
وناسه
سوق و مشترى هديا
امي
امي العوه
ابوي
اخواني؟؟
لا اخواني الشهر الياي
انا ابي حقي؟
ما احب اني ابدي نفسي على احد
بس جد كنت ابي هدوم و ملابس
اذكر امي بس تطالعني و انا اشتري و تضحك
تقول اول مره تشوفين الاسعار؟؟

هههههههههه
مو تدرون قبل بس اخذ و ما يهمني
اهلي اللي بيدفعون
!!
انا قلت لكم اني كنت مع مجموعه باء اللي اهم
الجفسه
الطيبه
الحبوبه
المصلحه

و على نهاية الشهر اضطرو انهم ايبون لي مكتب و قلقصو المكاتب
لانه الانتقال تاجل و المره بتداوم ؟
عاد لما يابو لي المكتب
داركنس ما صدقت على الله
يابت شغلها
طبعا دببه
و مكان للاقلام و اسمي على قطار
:)
اول ما حطيت الاغراض الكل ضب على المكتب
جنه شي غريب
لا و بعضهم يلعب بالقطار
سووه لعبه
هههههههههههههه
و يسالوني من وين؟
يحليلهم بيشترون
لا و اذا رحت و رديت القي واحد فيهم يلعب فيه
!!


بعد حوالي الشهرين من تعييني
طلع التقييم لكل الموظفيين
كان يوم لا ينسى في حياتي
الجنقل شاش و لا رضى يهدي
و الشرسه تشيش فيه
و اهو يرغي و يزبد
و المزاجيه هم شايشه
و هم الشرسه تشيش فيها و فيه
و كل ما هدو
صبت الشرسه البنزين على النار
اي الهندي لما عينونه بس كان له ست اشهر و عطوه امتياز و بونص
و انتو لانكم كويتيين
و انتو لانكم
اهم
و انتو
!!!!
تعرفون اللي بالكارتونز لما الشخص يبتهر
جذي انا
و خايفه بعد كنت
المهم
ما وعيت الا الحنانه مناديتني و بلغتني اني راح اكون بقسم الف؟

هو ليش؟؟؟؟؟؟؟؟؟
مع الهندي
والشرسه
و اللي مثل ابوي
و الجنغل
و المزاجيه؟؟؟

قلت لها ليش؟
جان تقول حاجة العمل
سكت
بعد يديده ما ادري شالسالفه
و طلعت منها تقلتني المزاجيه شنو؟
قلت لها
ما وعيت الا المزاجيه تبتسم؟؟
ابتسامه انتصار
هو شالسالفه؟؟

بنفس اليوم يت مذكره ان باجر اكو اجتماع رسمي بالادوار العليا
لمناقشة التقييم مع الحنانه
!!!

المزاجيه قدمت اجازه؟
مو كان مو عاجبها التقييم؟
استغربت
!!


و جاء اليوم الموعود
و كان هذا اليوم يوم الشرسه بكل المقاييس
شيشت الجنقل و خلته في اقسى حالات الغضب
و دخلنا الاجتماع
و بدت الحنانه
" السلام عليكم و رحمة الله و بركاته اليوم احنا مجتمعين عشان اشرح لكم النقاط اللي يقيم عليها كل واحد فيكم
........
"
الجنغل يصارخ و بعالي صوته:
"حنانه انا صار لي 16 سنه ما
حنانه و هو يصارخ بكل برود
" جنغل جنغل.... اسمعني جنغل"
جنغل:
"ما اخذت بونص"
حنانه بوسط صراخ جنغل
" ههههه يا خيي ما يسمعني؟؟"
جنغل بصوت ترتعد له الاجدر
شسمع شسمع؟؟؟
اقول لج 16 سنه ما اخذت بونص
و السكرتاريه كل سنه
شنو هالظلم
حنانه بكل برود
" لا جنغل اهم طبيعة عملهم غير"
يرد عليها بعصبيه
قلتيها احنا شغلنا مو طباعه و بريد
احنا نكرف
ترد عليه ببرود
لا يا جنغل اهم ترى يكرفون
شنو يكرفون انزين انا شغل 16 سنه ما يستحق بونص؟
16 سنه و انا اكرف و اشتغل
انت حاول و ان شاء الله السنه اليايه
والله يا حنانه انتو ما راح يعجبكم شي
انا لو البس لبس رقاصه
و اوقف على باب المؤسسه
واللي يدش اهز له شويه
و اللي يطلع اتشخلعله شويه هم ما يعجبكم
و لو اسوي الشغل كله السنه اليايه بتعطون البونص هذي

!!!!!!!!!!!

طبعا انا عيوني كانت طول الوقت طالعه بره
و اشويه و ابجي من الخرعه
ريال و يصارخ
اصلا تسمرت مكاني من الخرعه
لحظه لحظه لحظه
!!!
منو هذي

جنه اشر علي بطريقه غلط؟



امبيه انا مالي اسم؟؟؟؟؟؟
؟؟؟؟

الحلقه القادمه
باخذ بريك من قصة هالموظفه و تالي ارجع

:)