و يبحث عني
ينشد مداه
يركض حول دوائري
عل مداه يمس مداي
يا ثاقب النظر هدي
لا تفتك بالقلب من نظره
خل الزمن ياخذ وقته
و ينكتب
بهالعصر
سطر يديد
يسطر الجانب السعيد
ارتويك بنظر العيون
تستكين فيهم رعشة الكون
ابتدي ارسم معاك معالم اليوم
ينهدم قصر العتب
ينتشي قلبي من علته
ارتويك بنبض الوريد
وارتجي نظرتك
وكل بسمه بشفتك
ترتفق بحالي العليل
وتهدي الوقت الزمن
عل الزمن يشفى باقي الحزن
و ينجبر صدك بالوفا
و يختلط جرحي بالدفا
اشتكي لك من ليلي البعيد
كل ما قربت صد مثل الطفل العنيد
تبتسم و لا على بالك اكيد
ثم يبتعد
ليت الزمان
و هو الزمان
يرحم قلبي العليل من مر الزمان
ليته يحن
ليته يهديني الامان
ليت المكان
شوف وش وسع المكان
ياسع قلبي اللي ضاق به كل المكان
ليتني انا
القى بحر الحنان
و الا اجن
و يرتاح عقلي من
مر الايام
