زور ابن الزرزور
اللي عمره ما كذب ولا حلف زور
...ذبح بقه وترس سبع جدور
وخلا
الشحوم واللحوم على الصواني تدور
..لي يانا و ياكم خير لفانا و لفاكم
... و شر تعدانا و تعداكم
...ويا حبايبي صلو على النبي
الف الصلاة و السلام عليه
حكايتنا غير عن اي حكايه
فيها النهايه اغرب من الحكايه
هالحكايه الشاطر فيها ما انتصر
و الغدر اهو اللي قدر
الاشرار سكنو القصر
و الاشراف اندفنوا بالقبر
فيها الشاطر حسن ما قدر يتزوج بنت السلطان
و الديره صارت غريبه و ما فيها حنان
بهالحكايه اختفى معنى الامان
صار الزمان غير الزمان
ديرة المجد
صار العزيز عبد
اخ يا دره
بالبحر مكنونه
منو البحار
اللي بيقطع سبع بحار
و يطلع الدره
و ينقذ بنت السلطان
بالسيف البتار
حكايه ما مثلها حكايه
فيها الخير ما عرف له مكانه
و الشر اعلن ان هذا زمانه
زمن صارت فيه الديره غير الديره
و الناس كلها بحيره
و محد يعرف وينها فيه الخيره
