صباحك شوق
يمطرني بدنياك
صباحك كل الوله
لعيونك
تحاكيني
تبين لي غلاتي
و تفضح الاسرار
صباحك همس
الانفاس
تبوح بكل حيره
تشب بقلبي الغيره
من انفاسك
تضيع من قلبي نبضه
و تجر العقل لي هناك
صباحك
شمس تشرقني
تخلي الدنيا نور و اشواق
صباحك انت
ما بعده صباح
صباحك احلى
و ارق
و اعمق صباح
مساك غير
عن كل ما عرفته غير
مساك عطر يحوم بالفكر
مساك بحر
عميق
كبير
و يملاه السحر
مساك سكب لولو بالحبر
و بات كل حرف ينكتب
اغلى من التبر
مساك فكره
و وعد لبكره
زمن يسرى
و انا و انت
و الحب
بصبح و الا مسى
نبقى
و قلب ينبض لك
و سير لك كل امر
وجودك سحر
يجددني
يغيرني
يبدلني
يلوني
يخليني احب الكون
و اكون انا اصعب الغازه
عجز يفج بعضه او كله
اذكى مخاليق الرب
عجز و سلم له كل فكر
لانه بكل بساطه
انت
انت
كل الحلول
كل الوجود
كل نبض
كل رعشه
ارتعشها خافق المحب
وجودك جبر
كل شي قبلك تبعثر
و انكسر
وجودك هو الوجود
هو معاني الفرح
هو اسباب كل العمر
وجودك سر بينك و بيني
ما عرفه ثالث
و لا صدقه قانون واحد
و اصبح هذا السر
هو الوجود
هو رمز للخلود
